មន្ត្រីការិយាល័យជំនាញអត្តសញ្ញាណបណ្ណសញ្ជាតិខ្មែរ នៃស្នងការដ្ឋាននគរបាលខេត្ដព្រៃវែង បន្តបំពេញបែបបទផ្ដល់ និងបន្តសុពលភាពអត្តសញ្ញាណប័ណ្ណ ជូនប្រជាពលរដ្ឋ

ខេត្តព្រៃវែង ៖ ថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំពី លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្ដព្រៃវែង មន្ត្រីផែនការងារអត្តសញ្ញាណកម្ម នៃស្នងការដ្ឋាននគរបាលខេត្ត បន្តផ្ដល់សេវាសាធារណៈ(បំពេញបែបបទផ្ដល់និងប្រគល់អត្តសញ្ញាណប័ណ្ណ សញ្ជាតិខ្មែរ,ផ្តល់សៀវភៅគ្រួសារនិងសៀវភៅស្នាក់នៅ) ជូនប្រជាពលរដ្ឋ ក្នុងមូលដ្ឋាន។

ប្រជាពលរដ្ឋ ដែលប្រើប្រាស់អត្តសញ្ញាណប័ណ្ណសញ្ជាតិខ្មែរអស់សុពលភាព ឬមានសុពលភាពតិចជាង ១៨០ថ្ងៃ(៦ខែ) សូមអញ្ជើញទៅបំពេញបែបបទផ្តល់អត្តសញ្ញាណបណ្ណសញ្ជាតិខ្មែរ ដោយឥតគិតថ្លៃនៅតាមបណ្ដាអធិការដ្ឋាននគរបាលក្រុង- ស្រុកទាំង១៣ ៕អត្ថបទស្នងការដ្ឋាននគរបាលខេត្ដព្រៃវែង