នៅថ្ងៃចន្ទ ៣កើត ខែភទ្របទ ឆ្នាំ មមី អដ្ឋស័កព.ស.២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ វេលាម៉ោង ៧.០០នាទីព្រឹក លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោ បានដឹកនាំកម្លាំងប្រជុំជួរគោរពទង់ជាតិ នៅអធិការដ្ឋាននគរបាលខណ្ឌដង្កោ ដោយមានការចូលរួម ពីលោក លោកស្រី អធិការរង លោកនាយផ្នែក នាយប៉ុស្ដិ៍ នាយរងផ្នែក និងមន្ត្រីក្រោមឱវាទទាំងអស់។
-បន្ទាប់ពីពិធីគោរពទង់ជាតិត្រូវបានបញ្ចប់លោកអធិការបានណែនាំ និងបញ្ជ្រាបការងារសំខាន់ៗមួយចំនួនដូចខាងក្រោម៖
-ផ្សព្វផ្សាយផែនការសកម្មភាព ផែនការការងាររបស់ឯកឧត្ដម ឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដើម្បីយកទៅអនុវត្តឲ្យទទួលបានជោគជ័យ និងមានប្រសិទ្ធភាពខ្ពស់។
-ការងារសន្តិសុខ និងអន្តោប្រវេសន៍បន្តយកចិត្តទុកដាក់ខ្ពស់លើការងារ សន្តិសុខ អន្តោប្រវេស៍ និងការអនុវត្តអនុក្រឹត្យលេខ០៣ អនក្រ.បកចុះថ្ងៃទី០៥ ខែមករា ឆ្នាំ២០២៦ស្តីពីការគ្រប់គ្រង សន្តិសុខ សុវត្ថិភាពតាមទីតាំងរស់នៅប្រមូលផ្តុំ។
-ការអនុវត្តគោលនយោបាយ ភូមិ.ឃុំ.សង្កាត់មានសុវត្ថិភាព ដោយផ្តោតលើការបង្ក្រាបក្រុមក្មេងទំនើង និងបទល្មើសផ្សេងៗក្នុងមូលដ្ឋានអោយកាន់តែមានប្រសិទ្ធភាព។
-ការប្រុងប្រយត្ន័ និងវិន័យវិជ្ជាជីវៈរំលឹក អោយកងកម្លាំងទាំងអស់បង្កើនការប្រុងប្រយត្ន័ខ្ពស់ ម្ចាស់ការលើភារកិច្ចប្រកាន់ខ្ជាប់នូវវិន័យ សីលធម៌ និងមានមនសិការវិជ្ជាជីវៈក្នុងការឆ្លើយតបទៅនឹងបទល្មើសដែលមានការចាត់តាំង និងបទល្មើសបច្ចេកវិទ្យា ដោយត្រូវរៀបចំផែនការប្រទាក់ក្រឡាអោយបានហ្មត់ចត់។
-ត្រូវខិតខំសម្រួលចរាចរណ៍ នៅតាមគោលដៅដែលមានការកកស្ទះក្នុងភូមិសាស្ត្រខណ្ឌដង្កោ ដើម្បីបម្រើជូនប្រជាពលរដ្ឋអោយបានល្អប្រសើរ។
បន្ថែមលើសពីនេះ លោកអធិការក៏បានកើតសរសើរដល់កម្លាំងជំនាញនិងប៉ុស្ដិ៍ទាំងអស់ដែលបានខិតខំបំពេញតួនាទីភាកិច្ចរបស់ខ្លួនបានល្អ ក្នុងការបង្ការ ទប់ស្កាត់ បង្ក្រាបបទល្មើសក្នុងមូលដ្ឋានក្នុងរយៈពេលកន្លងមក។
No comments:
Post a Comment