លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ បានដឹកនាំប្រតិភូអមដំណើរ ព្រមទាំងកងកម្លាំងនគរបាលក្រោមឱវាទនៃស្នងការដ្ឋាននគរបាលខេត្ត អញ្ជើញចូលរួមក្នុងពិធីកាន់បិណ្ឌវេនទី៣ នៅក្នុងវត្តចំនួន ០៣ ស្ថិតក្នុងភូមិសាស្ត្រស្រុកគិរីវង់ និងស្រុកត្រាំកក់ ខេត្តតាកែវ

 

លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ បានដឹកនាំប្រតិភូអមដំណើរ ព្រមទាំងកងកម្លាំងនគរបាលក្រោមឱវាទនៃស្នងការដ្ឋាននគរបាលខេត្ត អញ្ជើញចូលរួមក្នុងពិធីកាន់បិណ្ឌវេនទី៣ នៅក្នុងវត្តចំនួន ០៣ ស្ថិតក្នុងភូមិសាស្ត្រស្រុកគិរីវង់ និងស្រុកត្រាំកក់ ខេត្តតាកែវ

ខេត្តតាកែវ៖ នៅថ្ងៃទី២៩ ខែកញ្ញា ឆ្នាំ២០២៦ លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ បានដឹកនាំប្រតិភូអមដំណើរ ព្រមទាំងកងកម្លាំងនគរបាលក្រោមឱវាទនៃស្នងការដ្ឋាននគរបាលខេត្ត អញ្ជើញចូលរួមក្នុងពិធីកាន់បិណ្ឌវេនទី៣ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិដ៏ធំមួយរបស់កម្ពុជា នៅតាមវត្តអារាមចំនួន ០៣ ស្ថិតក្នុងភូមិសាស្ត្រស្រុកគិរីវង់ និងស្រុកត្រាំកក់ ខេត្តតាកែវ។

​សកម្មភាពក្នុងពិធី​នៅក្នុងឱកាសប្រកបដោយទឹកមុខជ្រះថ្លានោះ លោកឧត្តមសេនីយ៍ទោ ម៉ែន លី ស្នងការដ្ឋាននគរបាលខេត្ត និងប្រតិភូអមដំណើរ បាននាំយកចង្ហាន់ បច្ច័យ ព្រមទាំងគ្រឿងឧបភោគបរិភោគជាច្រើនមុខ វេរប្រកេនជូនដល់ព្រះសង្ឃដែលគង់ចាំព្រះវស្សាអស់ត្រីមាសនៅតាមវត្តទាំង ០៣ រួមមាន៖
​ពិធីរាប់បាត្រ និងរៀបចំចង្ហាន់៖ ប្រកេនព្រះសង្ឃទៅតាមកិច្ចវិន័យព្រះពុទ្ធសាសនា។
​ការវេរប្រកេនបច្ច័យ និងទេយ្យទាន៖ ដើម្បីទ្រទ្រង់ដល់ការកសាង និងការផ្គត់ផ្គង់ចង្ហាន់ប្រចាំថ្ងៃរបស់ព្រះសង្ឃក្នុងវត្ត។
​ការបួងសួង និងសូត្រមន្ត៖ និមន្តព្រះសង្ឃសូត្រមន្តបាំងស្កូល ឧទ្ទិសកុសលផលបុណ្យ ជូនដល់វិញ្ញាណក្ខន្ធបុព្វការីជន មានមាតាបិតា ជីដូនជីតា គ្រូឧបជ្ឈាយាចារ្យ និងយុទ្ធជន យុទ្ធនារី ពលីជីវិតដើម្បីបុព្វហេតុជាតិមាតុភូមិ។

​គោលបំណង និងអត្ថន័យនៃការចូលរួម
​ការដឹកនាំកងកម្លាំងចូលរួមពិធីកាន់បិណ្ឌនាពេលនេះ ធ្វើឡើងក្នុងគោលបំណងសំខាន់ៗដូចជា
​ ចូលរួមចំណែកយ៉ាងសកម្មក្នុងការទ្រទ្រង់ និងថែរក្សាវប្បធម៌ ប្រពៃណី និងព្រះពុទ្ធសាសនា ដែលជាសាសនារបស់រដ្ឋឱ្យបានគង់វង្ស និងរីកចម្រើន។បញ្ជូនកុសលជូនដល់ដូនតា និងបុព្វការីជនដែលបានចែកឋានទៅកាន់លោកខាងមុខ។សុំពរជ័យ សេចក្តីសុខ សេចក្តីចម្រើន និងកម្លាំងពលំមាំមួន ជូនដល់កងកម្លាំងនគរបាលទាំងអស់ក្នុងខេត្តតាកែវ ដើម្បីឱ្យមានស្មារតីរឹងមាំក្នុងការបំពេញភារកិច្ចការពារសន្តិសុខ សុវត្ថិភាព និងរក្សាសណ្តាប់ធ្នាប់ជូនប្រជាពលរដ្ឋ បង្ហាញពីភាពជិតស្និទ្ធរវាងកងកម្លាំងនគរបាល និងប្រជាពលរដ្ឋក្នុងមូលដ្ឋាន ព្រមទាំងព្រះសង្ឃ តាមរយៈសកម្មភាពសាសនា និងសង្គម។ ​ពិធីកាន់បិណ្ឌវេនទី៣ នេះបានប្រព្រឹត្តទៅដោយបរិយាកាសរីករាយ ជ្រះថ្លា និងប្រកបដោយក្តីសោមនស្សរីករាយជាពន់ពេក ព្រមទាំងទទួលបាននូវពរជ័យ និងសិរីសួស្តីពីព្រះសង្ឃគ្រប់ៗអង្គ៕អត្ថបទការិយាល័យព័ត៌មាន លោក ឃិន ជុន