ឯកឧត្តម វ៉ី សំណាង អភិបាលខេត្តតាកែវ អញ្ជើញចូលរួមកិច្ចប្រជុំបូកសរុបលទ្ធផលការងាររយៈពេល ៩ខែ ឆ្នាំ២០២៦ របស់គណបក្សប្រជាជនកម្ពុជាខេត្តតាកែវ

(ខេត្តតាកែវ)៖ នៅថ្ងៃសៅរ៍ ទី៣ ខែតុលា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញចូលរួមកិច្ចប្រជុំបូកសរុបលទ្ធផលការងាររយៈពេល ៩ខែ ឆ្នាំ២០២៦ របស់គណបក្សប្រជាជនកម្ពុជាខេត្តតាកែវ ដែលបានប្រព្រឹត្តទៅនៅទីស្នាក់ការមន្ទីរបក្សខេត្តតាកែវ។

កិច្ចប្រជុំដ៏មានអត្ថន័យនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា វ៉ាន់ដេត ប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ជាសមាជិក សមាជិកា នៃក្រុមការងាររាជរដ្ឋាភិបាលចុះមូលដ្ឋានខេត្ត ថ្នាក់ដឹកនាំគណបក្សខេត្ត ក្រុង ស្រុក និងមន្ត្រីពាក់ព័ន្ធជាច្រើនរូបទៀត។

កិច្ចប្រជុំនេះរៀបចំឡើងក្នុងគោលបំណងពិនិត្យ និងវាយតម្លៃលើលទ្ធផលការងារដែលសម្រេចបានក្នុងរយៈពេល ៩ខែកន្លងមក ព្រមទាំងពិភាក្សាផ្លាស់ប្តូរយោបល់ ដើម្បីកែលម្អនូវចំណុចខ្វះខាត និងទិសដៅការងារសំខាន់ៗសម្រាប់អនុវត្តបន្តឱ្យកាន់តែមានប្រសិទ្ធភាព សំដៅឆ្លើយតបទៅនឹងតម្រូវការ និងបម្រើផលប្រយោជន៍ជូនប្រជាពលរដ្ឋក្នុងខេត្តតាកែវឱ្យកាន់តែប្រសើរឡើង។អត្ថបទការិ.ព័ត៌មាន លោក ឃិន ជុន