លោក យ៉ាវ សានិន អភិបាលស្រុកព្រះស្ដេច បានអញ្ជើញចូលរួមអមដំណើរថ្នាក់ដឹកនាំខេត្តព្រៃវែង នាំយកអំណោយស្បៀងអាហារ និងសម្ភារៈឧបភោគបរិភោគ ជូនដល់វីរកងទ័ពកងពលតូចលេខ២១ និងសាខាកាកបាទក្រហមកម្ពុជា ខេត្តឧត្តរមានជ័យ
ខេត្តឧត្តរមានជ័យ៖ នាថ្ងៃទី០៧ ខែតុលា ឆ្នាំ២០២៦ ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង បានអញ្ជើញដឹកនាំប្រតិភូនាំយកស្បៀងអាហារ សម្ភារៈប្រើប្រាស់ និងគ្រឿងឧបភោគបរិភោគជាច្រើន ទៅប្រគល់ជូនដល់វីរកងទ័ពកងពលតូចលេខ ២១ និងសាខាកាកបាទក្រហមកម្ពុជា ខេត្តឧត្តរមានជ័យ ដើម្បីសម្រាលទុក្ខធុរៈ និងលើកកម្ពស់ជីវភាពរស់នៅ។
ក្នុងបេសកកម្មមនុស្សធម៌នេះ ក៏មានការអញ្ជើញចូលរួមអមដំណើរពីសំណាក់ លោក យ៉ាវ សានិន អភិបាល នៃគណៈអភិបាលស្រុកព្រះស្ដេច ព្រមទាំងថ្នាក់ដឹកនាំជាន់ខ្ពស់ក្នុងខេត្តជាច្រើនរូប រួមមាន៖ ឯកឧត្តម ប្រធានសាលាដំបូងខេត្ត, ឯកឧត្តម សមាជិកក្រុមប្រឹក្សាខេត្ត, ឯកឧត្តម អភិបាលរងខេត្ត, នាយករដ្ឋបាលសាលាខេត្ត, មេបញ្ជាការកងកម្លាំងប្រដាប់អាវុធទាំងបីប្រភេទ និងមន្ត្រីរាជការពាក់ព័ន្ធជាច្រើនរូបទៀត។
ពិធីប្រគល់ និងទទួលនេះបានប្រព្រឹត្តទៅក្រោមបរិយាកាសស្និទ្ធស្នាល និងពោរពេញដោយសមរភូមិបេះដូងមនុស្សធម៌ រវាងអាជ្ញាធរខេត្តព្រៃវែង និងកងកម្លាំងប្រដាប់អាវុធ ព្រមទាំងអាជ្ញាធរដែនដីនៃខេត្តឧត្តរមានជ័យផងដែរ៕អត្ថបទការិ.ព័ត៌មាន លោក ឃិន ជុន
No comments:
Post a Comment