លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បាន
អញ្ជើញចូលរួមពិធីប្រកាសចូលកាន់មុខតំណែងជាអភិបាល នៃគណៈអភិបាលក្រុងតាខ្មៅ ក្រោមអធិបតីភាពដ៏ខ្ពង់ខ្ពស់ ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និង ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល នៅសាលប្រជុំសាលាក្រុងតាខ្មៅ។ខេត្តកណ្តាល៖ នៅព្រឹកថ្ងៃសុក្រ ១៣រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែតុលា ឆ្នាំ២០២៦ ពិធីប្រកាសចូលកាន់មុខតំណែងជាអភិបាល នៃគណៈអភិបាលក្រុងតាខ្មៅ ត្រូវបានរៀបចំឡើងយ៉ាងអធិកអធម នៅសាលប្រជុំសាលាក្រុងតាខ្មៅ។ពិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និង ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល ដោយមានការអញ្ជើញចូលរួមពី លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ព្រមទាំងថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និងតំណាងរដ្ឋបាលក្រុង-ខេត្តយ៉ាងច្រើនកុះករ។
ក្នុងឱកាសនោះ គណៈអធិបតីបានសម្តែងនូវការកោតសរសើរ និងវាយតម្លៃខ្ពស់ចំពោះខិតខំប្រឹងប្រែងរបស់អាជ្ញាធរក្រុងនាពេលកន្លងមក ព្រមទាំងបានផ្តល់នូវអនុសាសន៍ណែនាំសំខាន់ៗដល់អភិបាលក្រុងដែលទើបតែកាន់មុខតំណែងថ្មី ឱ្យបន្តពង្រឹងស្មារតីទទួលខុសត្រូវ ដឹកនាំបញ្ជា និងសហការជិតស្និទ្ធជាមួយគ្រប់ផ្នែកពាក់ព័ន្ធ ដើម្បីលើកកម្ពស់ការផ្តល់សេវាសាធារណៈ រក្សាសន្តិសុខ សណ្តាប់ធ្នាប់សាធារណៈ និងរញ៉េរញ៉ៃក្នុងក្រុងឱ្យកាន់តែល្អប្រសើរ ឆ្លើយតបទៅនឹងតម្រូវការរបស់ប្រជាពលរដ្ឋក្នុងមូលដ្ឋាន៕អត្ថបទការិ.ព័ត៌មាន លោក ឃិន ជុន
No comments:
Post a Comment