ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងលោកជំទាវ ឈុន ស៊ីន ព្រមទាំងបុត្រ បានអញ្ជើញចូលរួមកាន់បិណ្ឌវេនទី៦ នៅវត្តកល្បព្រឹក្ស ខេត្តកំពង់ស្ពឺ
ខេត្តកំពង់ស្ពឺ៖ នាព្រឹកថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងលោកជំទាវ ឈុន ស៊ីន ព្រមទាំងបុត្រ បានអញ្ជើញចូលរួមកាន់បិណ្ឌវេនទី៦ នៃពិធីបុណ្យភ្ជុំបិណ្ឌប្រពៃណីជាតិខ្មែរ នៅវត្តកល្បព្រឹក្ស (ហៅវត្តជង្រុក) ស្ថិតក្នុងភូមិជង្រុក ឃុំជង្រុក ស្រុកគងពិសី ខេត្តកំពង់ស្ពឺ។
ពិធីនេះក៏មានការអញ្ជើញអមដំណើរដោយ លោក-លោកស្រីអភិបាលរងខេត្ត ថ្នាក់ដឹកនាំរដ្ឋបាលខេត្ត ព្រមទាំងប្រធានមន្ទីរ-អង្គភាព និងមន្ត្រីរាជការជុំវិញខេត្តយ៉ាងច្រើនកុះករ។
ក្នុងឱកាសនោះ ឯកឧត្តម អភិបាលខេត្ត និងលោកជំទាវ ព្រមទាំងប្រតិភូអមដំណើរ បានប្រគេនទាន បច្ច័យ និងភេសជ្ជៈ ព្រមទាំងចង្ហាន់បិណ្ឌបាតជាគ្រឿងឧបភោគបរិភោគផ្សេងៗ ចំពោះព្រះសង្ឃដែលគង់ចាំព្រះវស្សា អស់ត្រីមាស ដើម្បីឧទ្ទិសកុសលផលបុណ្យជូនដល់វិញ្ញាណក្ខន្ធបុព្វការីជន មានមាតាបិតា ជីដូនជីតា និងញាតិកាទាំងប្រាំពីរសណ្ដាន ដែលបានចែកឋានទៅកាន់លោកខាងមុខ សូមបានទៅកាន់សុគតិភព កុំបីឃ្លៀងឃ្លាតឡើយ៕អត្ថបទការិយាល័យព័ត៌មាន លោក ឃិន ជុន
No comments:
Post a Comment