ឯកឧត្តម សុខ លូ បន្តនាំយកអំណោយរបស់សម្តេចមហាបវរធិបតី ហ៊ុន ម៉ាណែត ផ្តល់ជូនប្រជាពលរដ្ឋមានជីវភាពខ្វះខាត និងរងគ្រោះដោយជំនន់ទឹកភ្លៀងចំនួន ៣០០គ្រួសារ នៅស្រុកបវេល ខេត្តបាត់ដំបង

បាត់ដំបង៖ នៅថ្ងៃទី១០ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជាអធិបតីក្នុងពិធីចែកអំណោយជាគ្រឿងឧបភោគបរិភោគរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈក្រុមការងារស្បៀងបន្ទាន់ ជូនប្រជាពលរដ្ឋមានជីវភាពខ្វះខាត និងរងផលប៉ះពាល់ដោយជំនន់ទឹកភ្លៀងចំនួន ៣០០គ្រួសារ ដែលរស់នៅក្នុងឃុំបួរវិល និងឃុំបវេល ស្រុកបវេល ខេត្តបាត់ដំបង។

ការផ្តល់អំណោយនេះ គឺជាការយកចិត្តទុកដាក់ និងការគិតគូរដល់ជីវភាពរស់នៅរបស់ប្រជាពលរដ្ឋ ជាពិសេសគ្រួសារដែលកំពុងជួបការលំបាក និងរងផលប៉ះពាល់ដោយសារគ្រោះធម្មជាតិ ដើម្បីជួយសម្រួលដល់ការលំបាកក្នុងជីវភាពប្រចាំថ្ងៃ និងចូលរួមដោះស្រាយតម្រូវការចាំបាច់របស់ប្រជាពលរដ្ឋក្នុងគ្រាដ៏លំបាកនេះ។
រូបថតនិងអត្ថបទរដ្ឋបាលខេត្តបាត់ដំបង